HPUM LUM YANG HPYEN YEN JAWNG MANI SHARE SHAGA NINGHTOI GALAW
August (10) bat Manga
Majan a majaw hpyen yen nga ai Hpun Lum Yang Hpyen Yen dabang hta hpaw da ai lawu tsang lai, Jawng na Jawng ma marai (400) jan hpe Saranum Maru Bawk Tawng hte Saranum ni woi awn nhtawm, 2012, August (10) ya hta ang ai “Share Shagan Ninghtoi” masat ding sat hpawng hpe August (9) ya shana de galaw ai lam chye lu ai. August (9) ya shani galaw ai lam gaw (10) ya shani Mungshawa daw tsa galaw ai Share Shagan Masat Ninghtoi hpawng hta Jawng ma kaji ai ni nlu shang lawm na re hta n-ga, Ningnaw rawt wa nga ai Jawng ma ni yawng Share Shagan Ninghtoi a lam asan sha chye na u ga yaw shada let, tau galaw ai lam re hpe chye lu ai. Ndai Share Shagan Masat Ninghtoi hpawng hta Ginjaw Ginra Ginwang Ginjaw Pati Amu Madu, Salang Hkaraw Tu Dan kaw nna Share Shagan Ninghtoi byin wa ai lawnglam, ga shagawp hte hpawn sang lang hpaji jaw la ai lam na chye lu ai.
