SAM MUNG MAGA DE MYEN NI MARE MASHA NI HPE ZINGRI ROI RIP
August (10) bat Manga
July shata 20 jan ya hta Sam mung, Mung Gu- Hpyin Sai Htang mare de myen tatma kaba htu lung wa nna mare masha ni hpe rim zing ri ai lam, a arung arai ni hpe kam ai hku la kau ya ai lam, du sat ni hpe kam mara gap sat sha kau ma ya ai lam, mare masha Kyang Ting hte Yut Ting ngu ai wa hpe mung rim gyit dun hkawm mat wa ai gaw ya du ndat dat ya ai lam buga masha ni kawn na chye lu ai. Bai nna mare na shabrang langai mi hkungran la na matu Kong Hka kaw nna woi wa ai num nnan jan hpe mung myen hpyen la ni rim la nna labu palawng yawng raw shakyin kau ya di nna aroi jahkroi di ai lam mare na myit su salang jan langai tsun dan wa.
Munggu makau, Man Hkung mare na ma kanu hpawmi asak (40) jan re Lahtaw Ja Doi hpe mung shanglawt hpyen la ni hpe shat shadu jaw ai, sinat makoi da ai ngu rim gyit zingri ai lam galaw, pala si (1) hte majap dawng ni jaw nna sinat hpe mu hkra tam shangun kawn hprawng mat lu nna ya e miwa hkran e myen ni tsingri da ai dam ni hpe tsi tsi taw nga ai lam matut na chye lu ai.
Bai nna ya ten Munggu –Man Kang mare hta myen hpyen hpung ni but de taw nga nna mare masha ni a dut sat ni hpe kam ai hku gap sat sha taw nga ai hte yi sa yi wa num ma ni hpe baw hkan abye ya, nhkyi ni hte jahkrit shama rai galaw taw nga ai majaw mare masha ni hkrit nna mare na hprawng yen ma sai lam hpe mung na chye lu ai. July shata hta, Sammung Kawng Lung mare de mung myen ni htu lung wa nna mare masha yawng hpe agying wa zingri lai wa masa lam mung na chye lu ai. Mung Gu grup yin mare masha tinang lawt lu na shara de hprawng bra ma nna Mung Gu Pa Nawku jawng wang hta hpyen yen (200) hkawt machyu taw nga ai lam matut na chye lu ai.
July shata 20 jan ya hta Sam mung, Mung Gu- Hpyin Sai Htang mare de myen tatma kaba htu lung wa nna mare masha ni hpe rim zing ri ai lam, a arung arai ni hpe kam ai hku la kau ya ai lam, du sat ni hpe kam mara gap sat sha kau ma ya ai lam, mare masha Kyang Ting hte Yut Ting ngu ai wa hpe mung rim gyit dun hkawm mat wa ai gaw ya du ndat dat ya ai lam buga masha ni kawn na chye lu ai. Bai nna mare na shabrang langai mi hkungran la na matu Kong Hka kaw nna woi wa ai num nnan jan hpe mung myen hpyen la ni rim la nna labu palawng yawng raw shakyin kau ya di nna aroi jahkroi di ai lam mare na myit su salang jan langai tsun dan wa.
Munggu makau, Man Hkung mare na ma kanu hpawmi asak (40) jan re Lahtaw Ja Doi hpe mung shanglawt hpyen la ni hpe shat shadu jaw ai, sinat makoi da ai ngu rim gyit zingri ai lam galaw, pala si (1) hte majap dawng ni jaw nna sinat hpe mu hkra tam shangun kawn hprawng mat lu nna ya e miwa hkran e myen ni tsingri da ai dam ni hpe tsi tsi taw nga ai lam matut na chye lu ai.
Bai nna ya ten Munggu –Man Kang mare hta myen hpyen hpung ni but de taw nga nna mare masha ni a dut sat ni hpe kam ai hku gap sat sha taw nga ai hte yi sa yi wa num ma ni hpe baw hkan abye ya, nhkyi ni hte jahkrit shama rai galaw taw nga ai majaw mare masha ni hkrit nna mare na hprawng yen ma sai lam hpe mung na chye lu ai. July shata hta, Sammung Kawng Lung mare de mung myen ni htu lung wa nna mare masha yawng hpe agying wa zingri lai wa masa lam mung na chye lu ai. Mung Gu grup yin mare masha tinang lawt lu na shara de hprawng bra ma nna Mung Gu Pa Nawku jawng wang hta hpyen yen (200) hkawt machyu taw nga ai lam matut na chye lu ai.
