BA (5) HTA SHARE SHAGAN NINGHTOI GALAW
August (10) bat Manga
Shaning shagu August shata (10) ya shani masat tawn ai Wunpawng Mungdan hte Wunpawng myu sha ni a “Share Shagan Masat Ninghtoi” hpe Ginjaw Ginra Ginwang Ginjaw, Masat (5) Dap Ba hta 2012 ning, August (10) ya jahpawt hkying (10:00am) ten hta Padang Ninghkawng Gawknu hta galaw la lu sai lam na chye lu ai. Ndai hpawng hta Ginjaw Ginra Ginwang Ginjaw Komiti Tingnyang Up, Slg. Kaba Maji Naw Mai kaw nna Ginjaw Komiti Tingnyang Up, (Ningbaw Kaba Lanyaw Zawng Hkra) a “Share Shagan Masat Ninghtoi Mungga” hpe la-kap nna shatsam n’gun jaw, hpaji jaw nhtawm, tinang Magam Dap magam gun dap shawa ni, makau grup-yin mare hkan na mungshawa ni hte Mung Lai Hkyawng hkan na hpu-nau Sam ni yawng marai (200) daram sa du shang lawm let ngwi pyaw awng dang ai hte galaw la lu sai lam na chye lu ai.
