MUK CHYIK KAW GASAT
Noveber (7) bat Langai
Wunpawng Mungdan Shanglawt Asuya a KIA myu tsaw share shagan ni hte myen tai hpyen ni dai hpawt hkying (6) ram hta Wai Maw- Wa Shang lam, Muk Chyik Mare kaw gap gasat ai lai wa sai lam shiga na chye lu ai. N dai zawn gap gasat ai hta myen hpyen la (5) ram hkala hkrum lai wa sai lam hpe mung chye lu ai. Myen tai hpyen ni gaw Muk Chyik mare de htim shang wa nna dum nta hkan na a rung a rai ni hpe damya mya la mat wa ai hte, gap gasat ai lam gaw shani hkying (11) ram hta she zim mat ai lam hpe mung matut chye lu ai. Wa Shawng mare kaw na myen asuya a tat-ma (88) na hpyen la (300,400) ram gaw dai hpawt tup Man Wing, Chihpwi lam de rawt lung wa sai lam hpe shiga na chye lu ai.
