SINLUM LAM DE MYEN MAWDAW (2) KAPAW KAU YA
November (8) bat Lahkawng,
Wunpawng Mungdan Shanglawt Asuya a Dap Ba (3) n pu na KIA myu tsaw share shagan ni gaw November (6) ya shani Man Maw, Hkawan Bang mare ka wna Sinlum Loije lam hku htu lung wa ai myen hpyen atsuya a mawdaw (10) hta na (2) hpe gap kapaw a yai kau ya sai lam shiga na chye lu ai. N dai kapaw kau ai mawdaw hta lawm ai myen hpyen la (40) jan gaw kalang ta hkrat si mat sai lam na chye lu ai. N dai zawn si ai hta myen de na Dap Up madang re ai Bomu (1) mung lawm ai lam matut chye lu ai. Ngam ai myen hpyen la ni gaw shan hte a hpyen du kaba wa a myang hpe pyi ta kau da let hprawt htaw mat wa sai lam shiga matut na chye lu ai.
