SHARE SHAGAN (7) ASAK AP NAWNG
September (26) bat Masum
Lai wa sai September (14) ya bat (5) ya shani, Wunpawng Mungdan Shanglawt Asuya Dap Ba (2) Dap Dung (5) ginra rai nga ai, Pang Hkawn Yang hte Lawt Awng mare lapran kaw gasat poi byin lai wa sai lam shiga na chye lu ai. Ndai majan gaw anhte kaw na ninghtawn Du salang ni laknak gun shalai hkat na matu, jak hte htinglet hkat ai kaw, Myen maga de Jinghpaw (Pyi-tuq-tsit) la ni ga shaga jak sara galaw jang sha nang hkawm taw nga ma ai majaw, gara hku lai na, shiga atsawm sha lu la kau nna, Myen maga na ( แแ္แแ္း ) 3 nan (ambush) sa hkap taw nga ai shaloi, Ninghtawn Du Salang ni marai (9) gaw kata de lup lai shang bang wa ai kaw atsawm sha hkap gap ma ai majaw, anhte maga na marai (7) asak hkrat sum mat wa nna, (2) gaw Karai a chyeju hte naw lu hprawng lawt wa ai lam shiga na chye lu ai. Phone hte matut mahkai yak ai shara mung rai nga ai. Dai hpang (2-3) ya na ai hpang anhte kaw na Myu tsaw KIA hpyen la ni wa du yu yang nkau mi hpe nhtu hte kahtam anya da ai majaw, kadai re pyi n chye yu mat aii lam na chye lu a. Ndai majan hta myen maga na mung (Shagan 3 kap ai) Du langai mi si mat ai lam shiga na lu ai. Ya na zawn byin ai lam ni gaw myen maga de Jinghpaw la ni nchyang shang hkawm ai majaw, byin ai manghkang ni rai nga ai. 24/9/2012 ya shani KIA Dung (38) ni katut sha ai mung Myen maga de Pyi-tu-tsit ni lam hkan madun ya ai majaw, kajawng kaja gasat hkat ra ai re nga nna shawng lam kaw na hpyen la ni tsun dan wa ai. Pyi-tu-tsit ngu ai gaw, Lasang Awng Wa hte Ting Ying a masha sha n re Sam Mung de mung, grai naw nga ma ai lam, Shan kata na byet hpe grai sadi maja ra ai ten rai sai ten re lam buga myitsu kanu kawa ni tsun shana wa ai.
