HPAKANT KAW LAJA LANA GAP HKAT NGA
September (26) bat Masum
Wunpawng Mungdan Shanglawt Asuya Sinna Ginwang Dap Ba (2) Ginra rai nga ai Uru Seng Maw, Hpakant kaw KIA Dap Dung (6) na myu tsaw share ninghkring ni hte myen asuya hpyen hpung ni ya yang laja lana gap gasat nga ai lam shiga na chye lu ai. Hpakant na lup wa kawng makau, Maw Mau Bum de sa wa ai lam kaw re lam hpe na chye lu ai. Myen asuya hpyen ni gaw Hpakant hpe lu zing madu la na matu ya yang n gun kaba hte htu nga ai re lam hpe mung na chye lu ai.
