DUNG (1) NI PADANG DIP
September (12) bat Masum
Wunpawng Mungdan Shanglawt Asuya Dap Ba (3) n pu Dung (1) Ginra Zinlum hte Deng Wai lapran na Pang Shan ngu ai mare kaw du nga ai myen asuya hpyen dap n gun (30) jan hpe Dung (1) na KIA myu tsaw share ninghkring ni kawn dai hpawt hkying (6:00 - 7:00am) ten hta sa gap gamawng kau lu sai lam shiga na chye lu ai. Zinlum de na n gun jat lung wa ai myen hpyen la (9) hpe mung myu tsaw share ninghkring ni kawn remove bawm hte hkam kapaw dat ai majaw myen hpyen la (6) gaw dai kaw nan si galau taw nga sai lam shawng lam kawn na chye lu ai. N dai zawn gap gasat ai hta myen maga na (26) si hkala hkrum lai wa sai lam hpe mung na chye lu ai. N dai zawn myen hpyen ni hte gasat ai hta tinang maga na hpa hkala n hkrum ai sha padang dip la lu ai lam gaw gaw lam shagu hta Karai hpe akyu hpyi ap nawng let galaw sa wa ai majaw re lam hpe mung sak se hkam wa ai lam hpe mung na chye lu ai.
