SADUNG SAGA PA JAWNG KAWNG KAW GASAT NGA
August (11) bat Kru
Wunpawng Mungdan shanglawt Asuya up hkang ginra rai nga ai Sadung Saga Pa Jawng Kawng kaw dai hpawt myit mu wa ai ten kawn KIA myu tsaw share ninghkring ni hte myen hpyen hpung ni laja lana gap gasat nga ai lam shiga na chye lu ai. Myen dap ni gaw tat-ma (77,88,99,10) ni re ai lam hpe mung chye lu ai. N dai majan a majaw mare masha ni ya yang mare na pru lam n mu yak hkak jam jau nga ma ai lam na chye lu ai. Myen hpyen asuya dap ni gaw Sadung ginwang mahkra hpe bai lu zing la na matu n gun laba hte htu lung wa ai re lam hpe matut na chye lu ai. Maigan mungdan shara shagu du nga ai Wunpawng Myusha ni yawng ja ja myit dum akyu hpyi garum ya na matu Saga pa na hpung woi magam gun ni kawn tsun shana wa ai.
