YANG LU HTE LAU HPAI HPYEN YEN DABANG HTAWT RA SAI
July (21) bat Kru
Wunpawng Mungdan Shanglawt Asuya hte Myen tai hpyen ni gasat wa ai majan a majaw Miwa hkran Nawng Tau makau Yang Lu hte Lau Hpai ni hta dabang hpaw nna sa hprawng shanu nga ai hpyen yen tsim yam ni hpe Miwa asuya ni kawn bai sa gawt lai wa sai lam shiga na chye lu ai. Hpyen yen dabang htawt na hte seng nna dai ni bai sa tsun ai hta Miwa asuya ni hte myen ni pawng nna sa gawt ai re lam, hpyen yen dabang kaw na ni mung ganing n chye di ai majaw htawt na hku ta masat htu kau sai lam shiga na chye lu ai. Nba Pa maga na Lana Zup Ja dabang pa de htawt na matu shadut ai re lam hpe mung na chye lu ai. Hpyen yen masha ni gaw lanam ta re majaw n kam htawt ai rai tim atik anang sa shagwi ai majaw htaw ra ai re lam na chye lu ai. Hpyen yen masha ni gaw Lana Zup hpyen yen dabang de n kam htaw ai majaw hpa mi byin yang byin tinang a mare buga de she nhtang wa na mayu taw ma ai lam hte ya ten myit ru jam jau hkrum nga ma ai lam shiga na chye lu ai.
