MYEN HTE BAWNGBAN NA KIO/KIA DAT KASA NI MAIJA YANG DE RAWT
June (18) bat Langai
Wunpawng Mungdan Shanglawt Asuya KIO/KIA hte myen hpyen asuya ni mung masa bawngban ai lam hpe hpawt ni June (19) ya shani KIA Dap Ba (3) gin jaw Ginra rai nga ai Maija Yang kaw galaw sa wa na lam na chye lu ai. N dai bawngban hpawng hpe Wunpawng Mungdan Shanglawt Asuya KIO/KIA kaw na Du Kaba Gun Maw woi awn bawngban sa wa na re lam hpe na chye lu ai. Du Kaba Sumlut Gun Maw hte KIO/KIA dat kasa ni dai hpawt hkying (9:00am) ram hta Laiza mare kawn Maija Yang de sa mat wa sai lam hpe matut na chye lu ai.
