MYEN ASUYA RAPDAW SALANG A YABA GLAW AI TSI NI LU RIM
June (9) bat Manga
Jinghpaw Mungdaw Myitkyina mare kaba na N Bungli daru hta June (6) ya shani namhpan kani (yaba) galaw ai kaw lang ai tsi ntsin soi law law wa lu rim wa sai lam shiga na chye lu ai. Matut sagawn yu yang n dai tsi ntsi soi ni gaw Putao Ginwang a Myen asuya Rapdaw Salang rai nga ai Slg. Lipaw Ye a rai taw ai lam matut na chye lu ai. Slg. Lipaw ye gaw Putao mare Ga Htu lawk kaw nga ai nrai nna nta kaw kun rai seng kaba mung hpaw da ai lam hte shi nta wang hpe shing gan de na n mu lu na matu pri tsut pa ni hte dawng (5) jan jan tsaw hkra kum shinggrup da ai lam buga masha ni kawn na chye lu ai.Ya ten myen asuya gaw Slg. Lipaw Ye a yaba galaw kaw lang ai tsin n tsin ni lu rim ai rai tim myen asuya Putao Ginwang a Rapdaw Salang rai taw ai majaw a hkyak la ai lam n nga ai nga nna mung buga masha ni kawn tsun shana wa ai.
