MUSE MAKAU LAWU DUNGHKAN KAW BAWM KAPAW
June (8) bat Manga
 |
| KIA Dap Ba (4) |
Muse – 105 mare lapran na lawu Dunghkan mare makau hta nhtoi June (5) ya shana (8:30) ram hta Nampakka daju myen asuya hpyen dap hk-l-y (123) dap na myen hpyen la marai (30) daram re hpyen hpung langai hpe KIA Dap Ba (4) daju, Dung (9) na myu tsaw share ninghkring ni bawm hkap kapaw gasat lai wa sai lam na chye lu ai. Dai bawm kapaw ai hta myen hpyen la marai (2) si nna, marai (6) hkala hkrum ma ai lam mi chyaw mu mare masha ni tsun ai. Si hkrum ai hpyen la (2) hpe nhtoi June (6) ya shani Muse mare baw Myen hpyen dap kaw makoi mayang ai lam chye lu ai. Dai bawm kapaw ai ten BE modaw kaba langai mung hkawm nga ang ai majaw leng ni ga a yai mat ai lam chye lu ai. Ndai laman lahta Sam mung ga jarit mayan hte Kutkai- Lashio lam ntsa majan grau htat wa nga sai lam buga masha ni tsun shana wa ai.
