SINNA HKRAN DE MUNG MYEN HKRAT AI LAW
November (22) bat Lahkawng,
Wunpawng Mungdan Shanglawt Asuya hte myen asuya dap ni gasat hkat ai gaw shata (5) jan mat wa sai lam hpe chye lu ai. N dai zawn gap gasat wa ai hta myen de na hkrat sum ai lam law law nga sai hpe mu lu nga ai. Laiwa sai bat laman hta Jinghpaw mung wangleng lam masawn Namti hte Mogawng lapran hta myen hpyenla marai (30) daram hpe tinang KIA myu tsaw dap ni lu gap kau sai lam na chye lu ai. Bai November (19) ya hta mung Hpakan sa lam Baren marun (Naga-Nyinawng) hka mahkrai kaw sin ai myen dap hpe Dung (11) na myu tsaw share shagan ni sa htim gap ai hta mahkrai sin dap up wa (Tat-Mu) hte hpawn hpyenla marai (4) hpe jahkrung lu rim la wa sai lam na chye lu ai.
