MYEN TAI HPYEN NI NDA-K HKRING HTE NGA
November (21) bat Langai,
Jinghpaw Mungdaw Wunpawng Mungdan Shanglawt Asuya hte gasat nga ai Myen Asuya dap nawng kaba (Tat-Ma-88) na myen hpyenla ni gaw ya yang Jinghpaw Mung Sadung, Lahpai hte Kampaiti ni hta NDA (BGF) hpyen hking dagraw lang nna nga hkawm nga ai lam na chye lu ai. Dai lam gaw KIA hpyen ni kaw na lawt na matu hte shim lam a matu re lam na chye lu ai. KIA ni gaw tinang Jinghpaw kaga dap ni hpe hpa ndi ai ngu ai hpe myen dap ni chye ai majaw dai hpe ahkaw ahkang la let BGF hking lang ai re lam na chye lu ai. Ya na zawn galaw ai lam gaw KIA hpe hkrit nna re lam asan sha chye lu nga ai. Rai tim ya na zawn Myen gaw myit n san seng ai ladat hku tinang KIA dap ni hte NDA (BGF) ni a lapran mang hkang byin wa hkra, gap hkat wa hkra, ding sa galaw nga ai re lam KIA salang ni tsun wa ai.
