DAP BA (6) DE LAJA LANA GASAT NGA
Wunpawng Mungdan Shanglawt Asuya, Wunpawng Mungdan Shanglawt hpen dap, Dap Ba (6) Ginra hta February 11 ya jahpawt hking 10:10 ten ram kaw na myen tai hpyen ni hte laja lana gap gasat hpang wa nga sai lam shiga na chye lu ai. Dap Ba (6) ginra de myen tai hpyen dap nu (99) ni htu shadut lung wa ai majaw Dap Ba (6) Ginra shim lam la nga ai KIA Dap Dung (9) npu na Kung (3) ni hte gasat nga ai re lam hpe chye lu ai. Myen tai dap ni gaw Di Ma mare makau kawn laknak kaba ni hte gap sharu bun nga ai lam hpe mung matut na chye lu ai.
