SAWNG HKA DU MYEN HPYEN DAP NI SHAMU SAI
September (26) bat Masum
Jinghpaw Mungdaw Mohgaung - Kamaing lam Sawng Hka kaw du nga ai myen asuya hpyen hpung hpyen hpung ni gaw Sawng Hka hka hku hku nna nam lam dawk nna Hpakant maga de yawng mat wa sai lam buga masha ni kawn na chye lu ai. N dai Sawng Hka hka hku hku nna nam lam dawk yang Hpakant Gwi Hka kaw pru ai re lam hpe mung chye lu ai. Myen asuya hpyen hpung ni gaw Hpakant hpe htim gasat la na matu ya ten hpyen n gun jut shagu kawn htu taw nga ai lam, bai nna Hpakant lam hpe mung pat kau sai lam shiga na chye lu ai. Myen asuya hpyen hpung ni gaw dai hpawt kawn Nam Maw hkan na mare masha ni hpe htawt yen kau shangun ai lam ni galaw nga ai lam, mare masha ni hpe mung September (28) ya shani gaw Hpakant hpe myen asuya kawn padang ninglaw dip na nhtoi re nga na tsun hkawm nga ai lam na chye lu ai. Bai myen asuya hpyen hpung ni gaw shanhte hpyen hpung ni hte rau myen hpung gyi kaba (2) hpe mung woi hkawm nga ai lam matut na chye lu ai.
