MYEN A LAKNAK HTAW AI MAWDAW LU ZING LA
September (5) bat Masum
Wunpawng Mungdan Shanglawt Asuya Dap Ba (1) n pu Dap Dung (10) ni a ginra rai nga ai Mali Hka Sinpraw hkran Chihpwi lahta Deng (13) ram tsan ai kaw Chihpwi de na lung wa ai myen hpyen asuya a hpyen mawdaw kaba (3) hpe Dung (10) na KIA myu tsaw share ninghkring ni hkap gasat kapaw kau lai wa sai lam shiga na chye lu ai. Mawdaw (3) hta na myen hpyen la (30) jan htaw da ai hpyen mawdaw hpe hkaraw de lu kapaw bang kau ai rai nna, laknak hte machyu pala htaw da ai mawdaw (2) hpe gaw KIA ni lu zing la ai lam, n dai zawn lu zing la ai hta (60mm) motor si (50) jan rai nna laknak kaji kaba law law wa lu zing madu la ai lam shiga na chye lu ai. Malu masha htaw ai mawdaw gaw bawm nsa hte sharut gyi wa nna hkaraw de hkrat bang mat wa sai lam shiga mung na chye lu ai.
