JARIT SHADAW (7) KAW MYEN (50) JAN SI HKALA
September (1) bat Kru
Jinghpaw Mungdaw Pangwa makau Lagwi mare jarit masat shadaw (7) hta August (31) ya shani KIA myu tsaw share ninghkring ni hte myen asuya hpyen hpung ni laja lana gasat lai wa sai lam shiga na chye lu ai. N dai gasat poi hta myen hpyen la marai (50) jan si hkala hkrum lai wa sai lam shawng lam shiga lawk kawn na chye lu ai. Tinang maga na KIA myu tsaw share ninghkring langai lahkap kaw myen pala hkra nna hkala ai lam, rai tim tsang ra ai madang nre lam mung matut na chye lu ai.
