HPRI BUM KAW LAJA LANA GASAT NGA
September (24) bat Langai
Wunpawng Mungdan Shanglawt Asuya Sinna Ginwang Dap Ba (2) Ginra rai nga ai Uru Seng Maw Hpakant Ginwang kata Hpri Bum kaw KIA Dung (6) na myu tsaw share ninghkring ni hte myen asuya hpyen hpung ni daini, (12:00 noon) ten ram kaw nna laja lana bai gap gasat hpang wa nga sai lam shiga na chye lu ai. Myen asua a hpyen hpung ni n gun kaba, lak nak kaba ni hte gasat nga ai re lam na chye lu ai. Shawng lam majan pa hta myen tai hpyen ni hpe ninghkap nga ai myu tsaw share ninghkring ni a matu ja ja akyu hpyi garum ya na lam shawng lam majan pa kawn garum hpyi wa ai hpe mung na chye lu ai. Lai wa sai (6) ram kaw na myen asuya hpyen hpung ni hte gasat taw ai rai tim myu tsaw share ninghkring ni hta hpa hkala n ba n hkrum ai majaw mung Karai Kasang hpe chyeju dum shagrau ya na hpe mung tsun shana wa ai.
September (23) ya shani Hpakant Ta Mahkan tsi rung de hkala hkrum ai myen hpyen la (20) jan hpe htaw bang wa ma ai lam hte September (23) ya shani gasat ai hta myen hpyen du (2) hkrat ai hta na langai wa gaw hk-l-ya (15) na Bomhu Tin Naing Win re lam hpe na chye lu ai.
