HKYING HKUM (24) AKYU HPYI
September (6) bat Mali
Malaysia Mungdan kaw du ngai Wunpawng Myusha ni kawn Kanu Wunpawng Mungdan lawt lu na hte Mungdan kata myen hpyen asuya hpe ninghkap gasat nga ai Wunpawng Mungdan Sha Shanglawt Asuya magam gun ni a matu, majan a majaw hprawn yen hkawm nga ai Myusha hpyen yen tsim yam ni a matu hkying hkum (24) n sim n sa akyu hpyi ai lamang hp e galaw lai wa sai lam shiga na chye lu ai. N dai akyu hpyi lamang hpe September (4) jahpawt hkying (9:00am) kawn September (5) ya jahpawt hkying (9:00am) galaw ai rai nna, n dai akyu hpyi lamang hpe shata mi hta (2) lang galaw ai lam hpe mung na chye lu ai.
