TING JANG MARE KAW GASAT
Augsut (16) bat Mali
Wunpawng Mungdan Shanglawt Asuya Dap Ba (5) n pu Dap Dung (24) ginra rai nga ai Laiza lawu Ting Jang mare kaw dai na maga hkying (6:30pm) daram hta lawu mung na du lung wa ai myen asuya hpyen hpung langai mi hte KIA myu tsaw share ninghkring ni laja lana gap gasat lai wa sai lam shiga na chye lu ai. Kata lam shiga hpe gaw hkrak n chye lu shi ai.
Myitkyina-Manmaw lam ntsa N Pawn Bum kaw mung KIA myu tsaw share ninghkring ni hte myen tai hpyen hpung ni dai na de hkying (4:00pm) ram hta gap gasat lai wa sai lam shiga na chye lu ai.
