SHARE SHAGAN NINGHTOI, SINNA GINWANG GINJAW
August (11) bat Kru
Wunpawng Mungdan Shanglawt Asuya Sinna Ginwang Ginjaw Ginra hta, Sinna Ginwang Ginjaw Komiti kawn woi awn nna August (1) ya sha ni Share Shagan Ninnghtoi Masat Lamang hpe galaw la lu sai lam shiga na chye lu ai. Lamang hpe jahpawt hkying (7:00am) mung shawa, dap shawa yawng (470) sa du nna awng dang ai hte galaw la lu sai lam shiga na chye lu ai. Madat (2) Dap Ba, Share Shagan Masat Shadaw hta, Mungdan hte Amyu a matu asak ap nawng lai mat wa sai myitrum Share Shagan ni hpe Hkungga jaw ai lamang hpe mung galaw la lu sai lam, KIO Ginjaw Komiti Tingyang Up, Ningbaw Kaba Lanyaw Zawng Hra a Share Shagan Ninghtoi Masat Mungga hpe mung jawm madat hkam la lu sai lam shiga na chye lu ai. 
