SENG TAWNG HTE TA MAHKAN LAPRAN KAW GASAT
August (22) bat Masum
Wunpawng Mungdan Shanglawt Asuya Sinna Ginwang Dap Ba (2) up hkang ginra rai nga ai Hpakant ginwang, Seng Tawng Mare hte Ta Mahkan lapran na Hpri Bum kaw August (21) ya shana daw hkying (2:00pm kawn 9:00pm) ram du hkra KIA myu tsaw share ninghkring ni hte myen asuya a Mung Ywar daju hk-l-y (16) ni laja lana gap gasat lai wa sai lam shiga na chye lu ai. N dai zawn gasat ai hta myen maga na hkala ai masha ram ram law ai lam, hte dai hpawt du hkra Seng Tawng tsi rung de hkala ai masha ni lahka sa taw nga ai lam shiga na chye lu ai. Ya ten Maw Mau Bum, Sharaw Hka grup yin hku shamu shamawt nga ai myen hpyen dap ni gaw hk-m-y (347) ni re hpe mung na chye lu ai.
