NGA NAWNG PA HPYEN YEN DABANG HPE MIWA NI BAI GAWT
August (23) bat Mali
Miwa asuya ni gaw Miwa hkran de majan a majaw hprawng yen shanu nga ai Wunpawng Myu Sha ni hpe n dai laman laja lana gawt taw nga ai hta dai ni August (23) ya shani gaw Nga Nawng Pa hpyen yen dabang na hpyen yen tsim yam masha ni hpe sa gawt shadut nga ai lam shiga na chye lu ai. Miwa asuya masha ni gaw mawdaw kaba ni de dinggai dingla ni hpe majan garawt bang dun bang taw nga ai lam, hpyen yen ni a arung a rai ni hpe mung mawdaw ntsa de maja htawm gabai bang ya taw nga ai lam shiga matut na chye lu ai. Sumla sa dem la ai ni a camera ni, phone ni hpe mung hkang zing la taw ai sha n nga, mu mayu yawng hpe hkan shachut a dup nga ai lam shiga na chye lu ai.
