LAGWI MARE KAW SHARE SHAGAN LANGAI HKRAT
August (15) bat Masum
Wunpawng Mungdan Pangwa makau kaw Zahkung Ting Ying a hpyen hpung (Pyitusit) ni hte myen hpyen hpung ni pawng nna, tinang KIA hpyen hpung shanu nga ai shara de n gun kaba hte
August (14) ya shani sa htim gasat lai wa sai lam shiga na chye lu ai. Ting Ying Pyitusit hpung maga na arum ara rai si hkala hkrum mat ai lam na chye lu ai.
KIA myu tsaw share shagan langai hkrat sum mat wa sai lam hte (2) hkala hkrum lai wa sai lam shiga na chye lu ai. Myen hpyen maga na mung law law wa hkala machyi hkrum nna bai nhtang htingnut mat wa sai lam shiga na chye lu ai. Ndai zawn Annau ni shada gasat hkat wa hkra ai gaw annu ni a mara nre, myen a mara she re, dai majaw annu ni hpe du daw sai hkaw, hka garan wa hkra galaw jak lak nga ai myen asuya hpe myi hkrum mang rum ja ja jawm ninghkap gasat kau ra sa ga ai.
