HPAKANT GINWANG HTA MYEN NI MARE MASHA NI HPE RAI HTAWT SHANGUN
August (29) bat Lahkawng
Jinghpaw Mung Uru Seng Maw Hpakant maga de majan grau ja wa na masa nga ai lam shiga na chye lu ai. Ya ten Mare masha ni grai jam jau nga ai lam, Maw Mau Layang, Maw Mau Bum, Nba La Hka, Tawng Phyu, Myawk Pyu, Sharaw Hka, Seng Ja Bum, Mana Maw, Kalaw Maw, Pyi Chawng, Maw Wan Kalay hkan na mare masha ni hpe myen asuya hpyen dap ni kawn Loud Speaker hte August (29) ya shana hkying (1:00am) ram kawn nta kaw na rai langai pi n ngam hkra htawt la kau na lam hkan maraw n dau hkawm wa sai lam na chye lu ai. Buga masha ni gaw tinang a dum nta na arung a rai ni hpe shimlum ai shara ni de ya mung htawk nga ding yang re lam matut na chye lu ai. N dai masa lam ni hpe yu yang Hpakant ginra hta majan grai kaba wa na masa nga ai nga buga de na myit su ni kawn tak sawn nga ai hpe chye lu ai.
