GANG DAU YANG HTE JA PU KAW GASAT NGA
August (8) bat Masum
Wunpawng Mungdan Shanglawt Asuya Dap Ba (5) up hkang ginra Ja Pu mare kaw wa mahkawng majaw nga ai myen hpyen hpung ni gaw dai hpawt daw Gang Dau Yang de lai lung wa sai majaw, dai hpawt daw kawn Gang Dau Yang hte Ja Pu lapran kaw gasat gala ai lam ni laja lana byin taw nga sai lam shiga na chye lu ai. Myen hpyen hpung ni gaw hpyen gasat jak mawdaw (Tank) ni hte rau KIA Ginjaw Laiza hpe htim gasat na matu sa wa nga ai re lam mung na chye lu ai. Wunpawng Mungdan hte Wunpawng Mungdan Shanglawt Asuya KIO/KIA a matu ja ja akyu hpyi garum ya nga ga.
