DINGDUNG GINWANG HTA WUNLI LA AKYU HPYI
August (1) bat Masum
Wunpawng Mungdan Shanglawt Asuya Dingding Ginwang Ginjaw, Masat (1) Dap Ba daju Majoi Gawknu hta dai August (1) ya jahpawt hkying (7:00am kawn 8:30am) lapran Magam Dap Hpa-awn Kanu Kawa ni, Mung shawa, Dap shawa ni hte rau wunli la akyu hpyi hpawng galaw la lu sai lam shiga na chye lu ai. Wunli la kyu hpyi ai hta K.I.O Ginjaw Komiti a matu, shawng lam majan pa hta tsap nga ai share ninghkring ni a matu, lam amyu myu hku garum madi shadaw nga ai maigan du Myu Sha ni, Mungdan kata shanu nga ai Myu Sha ni yawng a matu, Hpyen yen tsin yam hkrum nga ai ni yawng a matu, UNFC a matu akyu hpyi wunli la lai wa sai lam hpe mung matut na chye lu ai.
