DAP BAT (1) GINRA HTA GASAT
August (22) bat Masum
2012 ning August (20) ya jahpawt hkying (5:00)am aten kaw nna hkying (8:00)am aten daram du hkra, KIA Masat (1) Dap Ba ginra na pawng hpawm hpyen hpung ni nga ai Jarit Masat Shadaw (6) makau hte Hpare Hkyet maga htu lung wa ai Myen Hpyen Dap Hk.L.Y (74, 77) na pawng hpawm hpyen hpung ni gasat poi byin ai lam chye lu ai.
(19-8-2012) ya shani, KIA Masat (3) Dap Ba ginra, Man Ta hte Mung Hkawng lapran kaw, Myen Hpyen Dap Hk.L.Y (109) na hpyen hpung n-gun (60) daram hpe KIA Masat (12, 27) Dap Dung na pawng hpawm hpyen hpung ni bawm majan hte hkap gasat ai kaw nna, gasat poi byin ai lam chye lu ai. Gasat poi byin ai ginra ni hta lahkawng maga si, hkala ai lam hkrak n chye lu ai.
KIA Masat (2) Dap Ba, Dap Dung (6) ginra, Maw Wan Kaba hte Mawmaw Bum maga de Myen Hpyen Dap, Dap mying n chye ai hpyen hpung ni htu lung wa ai majaw, dai shara hkan na mung mare masha hpyen yen marai (800) daram Hpakant K.B.C Nawku Jawng hte R.C.M Nawku Jawng ni hta 2012 ning August (19) ya shani kaw nna, hpyen yen machyu nga ai lam hpe chye lu ai. Kachinnet
