SAM TINGJANG MARE KAW SHANI TING GAP
July (5) bat Mali
Wunpawng Mungdan Shanglawt Asuya Dap Ba (5) ginra rai nga ai Laiza hte nau ntsan ai Bum Sawn bum lawu Sam Tingjang de mana July (4) ya shani hkying (12:00pm) aten e du shang wa ai myen asuya hpyen hpung kaba gaw Sam Tingjang mare hpe wang shinggrup kau nna mare masha hte hpun hpaga la ni yawng hpe rim majaw kau nhtawm, dai mare hta shara la nga yang dai hpawt jau jau tinang KIA myu tsaw share ninghkring ni dai hpawt manap hkying (7:00am) ten kaw nna sa htim gasat ai hta myen asuya maga na arum ara rai si hkala mat ai lam na chye lu ai. Shani ka-ang jahkring mi hkring nna daina maga hkying (2:40pm) aten kaw nna bai matut gap hkat ai gaw ya ten du hkra matut manoi gasat nga ai lam na chye lu ai.
Dai Sam Tingjang mare kaw du shang wa ai myen asuya hpyen hpung ni gaw KIA dap shara la tawn ai Bum Sawn hte Hkala kadawng KIA shawng lam post ni hpe wa htim gasat na matu lung wa hpyen hpung ni re lam mung matut na chye lu ai. Daini na majan hta myen asuya dap maga na ram ram hkra machyi mat ai majaw nkau mi Jinghpaw Tingjang maga de kalut yu mat wa ai lam na chye lu ai. Ya na zawn Laiza hte ni kahtep ai shara de myen asuya dap n-gun la ba du shang wa ai majaw ya yang tnang KIA dap kaw na mung yawng jin jin rai nga sai lam na chye lu ai.
Dai Sam Tingjang mare kaw du shang wa ai myen asuya hpyen hpung ni gaw KIA dap shara la tawn ai Bum Sawn hte Hkala kadawng KIA shawng lam post ni hpe wa htim gasat na matu lung wa hpyen hpung ni re lam mung matut na chye lu ai. Daini na majan hta myen asuya dap maga na ram ram hkra machyi mat ai majaw nkau mi Jinghpaw Tingjang maga de kalut yu mat wa ai lam na chye lu ai. Ya na zawn Laiza hte ni kahtep ai shara de myen asuya dap n-gun la ba du shang wa ai majaw ya yang tnang KIA dap kaw na mung yawng jin jin rai nga sai lam na chye lu ai.
