NAM SU, MAN MAU MARE MASHA NI MYEN A ZINGRI HKRUM NGA
July (26) bat Mali
Wunpawng Mungdan Shanglawt Asuya Sam Mung daju Dap Ba (4) up hkang ginra rai nga ai Munggu Nam Su lahta na, Man Mau mare kaw du nga ai myen hpyen hpung ni gaw dai mare na Yawhan ngu ai wa hte Miwa la langai hpe rim la nna zingri nga ai lam, Miwa la hpe adap zingri nhtawm dai mare na KIA hpyen la mying jahpan tsun dan shangun ai lam hte Miwa la mung myen hpyen ni adup zingri ai hpe n dang hkam ai majaw mare na KIA hpyen la galaw ai masha ni a mying jahpang yawng (30) re lam tsun dan lai wa sai lam shiga na chye lu ai. Miwa la wa n dai zawn tsun dan kau ai majaw KIA hpyen la galaw ai ni a dum nta masha ni hpe ya yang myen hpyen hpung ni hkan tam nga sai lam shiga na chye lu ai. Nam Su kaw na hpung Sara Maran Naw Hkam a madu jan hte kasha hpe mung ya jang nan hte a madu wa ni KIA hpyen la re lawan sa shaga wa mu ngu nna dun gayin hkawm nga ai lam matut na chye lu ai.
