MYITKYINA KAW SHAWA N GUN MADUN NGA
July (6) bat Manga
Jinghpaw Mungdaw Myitkyina Mare kaba kaw dau hpawt daw (9:00am) ten kaw nna Jinghpaw mung Myikyina mare kaba hta Jinghpaw mung shawa n-gun madun poi galaw nga sai lam na chye lu ai, ndai n-gun madun poi hta Jinghpaw hkristan mung shawa (2000) daram shang lawm nga ai hte, makam masham de na hpung woi sara ni nan mung woi awn shang lawm nga ai lam hpe na chye lu ai. Yaw shada ai lam gaw,
(1) Myikyina hte Waimaw kaw du nga ai hpyen yen tsinyam ni a shim lam hpe myen asuya ni tsep kawp lit la ya na,
(2) Myen asuya ntara ai hku rim da ai Salang Brang Shawng hpe lawan dat ya na,
(3) Hpyen yen tsin yam ni a shinggyim ahkaw ahkang hpe hkungga ya na,
(4) Rap ra ai tara hpe hkunga jai lang sa wa na, ndai ni rai nga ai lam matut na chye lu ai.
