MYEN HTE PAWNG NNA KIA HPE GASAT
July (13) bat Manga
Jinghpaw Mungdaw Pangwa ginra rai nga ai, Lagwi Hpare kaw nga ai sai daw sai chyen myu sha ni gaw KIA myitsu ni hte jahkrum jahkrup galaw nna rau sha rai ga, sa wa marit nga July (11) ya shani shaga la lai wa sai lam shiga na chye lu ai. N dai zawn Lagwi Hpare mare na myu sha ni shaga ai majaw KIA kawn myu sha ni shada gaw n masu hkalem na re ngu shadu nna KIA share ninghkring (11) tup yu sa wa ai lam, n dai zawn KIA myu tsaw share ninghkring ni sa wa ai shaloi mare pi rai n du ai lam lapran kaw myen hte pawng nna ma ja hkap gap gasat lai wa sai lam shiga na chye lu ai. N dai zawn Lagwi Hpare mare na ni myen hte pawng nna hkap gap gasat ai majaw KIA myu tsaw share ninghkring marai (7) lak nak hte hpawn hkrap sum lai wa sai lam, marai (4) gaw tsawm mari lawt wa ai rai tim (4) gaw ningma hte lawt wa ai re lam matut na chye lu ai. 
