MYEN HPYEN NI SIMSA LAM N RA
July (4) bat Masum
Ya yang myen asuya gaw maga mi de KIO hte simsa lam tam nga ai rai tim, maga mi de KIO hpyi shawn ai hpyen dap kalut ya na lam hpe asuya hpyen dap ni hkapla myit hkrum ya na lam n nga ai hpe mu mada lu ai. Hpyen dap kalut ya na malai ndai laman KIO ginjaw hte ni kahtep ai shara ni de Manmaw Myikyina maga na hpyen n-gun gaw grau grau she htu shadut lung wa nga ai re, ya na zawn Laiza makau de myen asuya dap ni htu shadut lung wa nga ai lam gaw KIO hpyi shawn ai lam hpe hpyen dap gaw nhkap la lu ai lam, simsa lam hpe nra sharawng ai lam hpe asan sha mu masa lu nga sai re. Manmaw Daw Hpum maga hte Munglai hka nam Ting Jang maga hku nna n-gun 600 ram maram lu ai myen hpyen hpung gaw ndai laman Laiza makau Dingga, Hkala, Bum Sawn hte Hpun Preng bum maga man yawng nga sai lam na chye lu ai. Dai majaw ndai laman Laiza makau grup yin ni hta majan kaba byin wa mai ai lam shawng lam ginra na KIA du salang ni kawn maram masam lu ai lam na chye lu ai.
Ya na zawn Simsa lam hpe nra sharawng ai myen hpyen dap a sat lawat arawn alai hpe Munghpawm Myanmar amyu baw sang yawng myit hkrum mang rum jawm ninghkap sa wa ra sai, lam lama mi tawk hprut dawdan nna jawm ninghkap gasat sa wa ra sai ngu ngai sumtsan myu tsaw brang wa mu mada lu nngai.
Ya na zawn Simsa lam hpe nra sharawng ai myen hpyen dap a sat lawat arawn alai hpe Munghpawm Myanmar amyu baw sang yawng myit hkrum mang rum jawm ninghkap sa wa ra sai, lam lama mi tawk hprut dawdan nna jawm ninghkap gasat sa wa ra sai ngu ngai sumtsan myu tsaw brang wa mu mada lu nngai.
