MIWA ASUYA AKYANG LABAN AI LAM
July (24) bat Lahkawng
Miwa mung hkran na Miwa asuya ni hte kata lam grai hkau hkat ai myit su salang langai mi shana wa ai hta, "Miwa Hpyen ni gaw, KIA ni hpe lawan gap shachyut kau mu ngu nna, Myen hpyen la (1) mi hpe lani mi Miwa gumhpraw (Yuan-50) hpra htuk ya taw nga ai da, aitim, Myen maga de แฟแแ္แူ ့แ
แ
္ nau shang lawm taw nga ai majaw, shada tau hkat nna, koi yen hkat nga ai majaw, Miwa shadut ai myen masing nau masan n sa nga ai" nga tsun shana dan lai wa ai.
Ndai lapran gaw, Miwa asuya ni ladu grai shalai ai kumla law law hpe mu mada wa nga ai nga nna grup yin masa masam maram ai ni tsun dan wa ai. Nawng Tau hpyen yen dabang hpe atit anang htawt shangun ai lam, Hpai Kawng, Wan Din makau na hpyen yen ni hpe mung Miwa hpyen la ni jahkring hkring sa jep shakyin kyin rai nga ma ai lam, kaja wa ai hpyen yen shara gaw, Miwa mung lamu ga n re. Raitim Miwa hpyen la ni gaw ya na zawn hpyen yen ni nga n zim hkra sa shatsang nga ma ai lam buga masha ni kawn tsun dan wa ai.
