JAWM NINGHKAP SA WA GA
July (17) bat Lahkawng
Ya yang Wunpawng Mungdan Pangwa hte NDAK (BGF) ni up hkang ginra mare kahtawng shagu na mare masha ni hpe Ting Ying wa a hpyen hpung ni hte BGF dap ni gaw KIA hpe jawm gasat ninghkap lawm na matu shani shagu ladat amyu myu hte asawng zinlum kahkyin gumdin nga ai lam na chye lu ai, BGF dap ni hku nna mare masha ni hpe tsun ai gaw "Nanhte KIA ni hpe hkap la jang (snr) KIA ni ndai ga up hkang mat jang nanhte Kani (Opium) lu hkai sana nre, ya myen asuya hte anhte BGF ni gaw nanhte hpe Kani (0pium) wanglu wanglang hkai shangun na, arang mung shaw ya na, dai majaw KIA hpe hkum hkap la, jawm ninghkap ga" nga nna Kani hte hkan zinlum nga ai lam na chye lu ai. Ndai zawn Mungkan ting jawm ninghkap nga ai Kani nang hpam hpe myen asuya hte BGF dap ni wanglu wanglang hkai shapraw, dut mari na ahkang jaw ai gaw anhte Chyurum Wunpawng yawng a matu mung, mungkan ting a matu mung hkrit hpa hpyen langai rai taw nga sai majaw, ndai lam ni hpe mungkan ting shara shagu na Myu Wunpawng sha ni mung jawm ninghkap sa wa ga ngu saw lajin dat ai.
