BAWM SAWN BUM KAW GASAT
July (11) bat Masum
Wunpawng Mungdan Wungdan Shanglawt Asuya Dap Ba (5) ginra, Laiza-Manmaw lam ntsa Daw Hpum hte Laiza lapran Baum Sawn Bum hta July (11) ya ja hpawt jau jau hkying (5:00am) ten hta Bum Sawn Bum kaw du nga ai myen asuya dap ni hte tinang KIA msat (5) dapba npu na KIA myu tsaw share ninghkring ni hte minute (30) daram gasat hkat ai lam na chye lu ai. Ndai gasat poi hta myen asuya maga na marai (2) si nna, marai (3) ram hkala ai lam na chye lu ai. Tinang KIA maga na gaw hkra machi ai lam hpa nnga ai hpe mung na chye lu ai. Myen asuya dap ni gaw Manmaw maga na hpyen n-gun jat dingyang rai nga ai lam mung matut na chye lu ai.
