PADANG HKRUN LAM
Lai sai duhkra Gintawng kaba
Prangtai na jawng shaning ra,
2011 June 9 ya
Wunpawng Mungdan salum kata,
Mung maden Tai hpyen Asuya
Shinggyim ahkaw ahkang rap n ra,
Sat nat roi rip hkum sumhpa
Rawt malan majan Wunpawng sha,
Padang hkrun lam masing kaba
Gawngnyek laning mi she grup sa.
Rawt malan majan masing kaba
Myu tsaw Mung tsaw salum kaba,
Share Shagan ningbaw ningla
Bumlang hkaraw lungbra mya,
Kaw si hpang gara myit hki ba
Sai hka panglai nammukdara,
Myu sha gawng malai ap nawng nga
Du daw sai hkaw yawng hpe wa,
Maroi nni myiprwi mya
Baw gum shagrau hkungga nga.
Padang hkrun lam majan kaba
Asak lawt lam she ahkyak kaba,
Jiwoi Jiwa htingbut hting-ra
Sutgan yamnga magup sumhpa,
N ja n hpra myiprwi mya
Machyi hkrum sha labau lungpa,
Hpyen yen tsin-yam mun kaba,
Chyurum mungkan yawng aka,
Goi e... kaning she rai na
Sin dai myiprwi deng latsa.
Tim.....
Wunpawng Myu sha hpe tsawra
Sin dun sumri noi abya,
Padang Madu Yehowa
Chyeju Janmau Gupdaru kaba,
Kyuhpyi n-gun htam latsa
Myu tsaw shawang hpyen hpyen pa,
Myit hkrum nau pa Kungdawn ka
Mungkan chyam hkra nan gara,
Ninghtoi Chyinghka Karai Wa
Padang hkrun lam masing kaba.
Bumwa Hkri Ma.
Fuji Majoi.
11.6. 2011
Prangtai na jawng shaning ra,
2011 June 9 ya
Wunpawng Mungdan salum kata,
Mung maden Tai hpyen Asuya
Shinggyim ahkaw ahkang rap n ra,
Sat nat roi rip hkum sumhpa
Rawt malan majan Wunpawng sha,
Padang hkrun lam masing kaba
Gawngnyek laning mi she grup sa.
Rawt malan majan masing kaba
Myu tsaw Mung tsaw salum kaba,
Share Shagan ningbaw ningla
Bumlang hkaraw lungbra mya,
Kaw si hpang gara myit hki ba
Sai hka panglai nammukdara,
Myu sha gawng malai ap nawng nga
Du daw sai hkaw yawng hpe wa,
Maroi nni myiprwi mya
Baw gum shagrau hkungga nga.
Padang hkrun lam majan kaba
Asak lawt lam she ahkyak kaba,
Jiwoi Jiwa htingbut hting-ra
Sutgan yamnga magup sumhpa,
N ja n hpra myiprwi mya
Machyi hkrum sha labau lungpa,
Hpyen yen tsin-yam mun kaba,
Chyurum mungkan yawng aka,
Goi e... kaning she rai na
Sin dai myiprwi deng latsa.
Tim.....
Wunpawng Myu sha hpe tsawra
Sin dun sumri noi abya,
Padang Madu Yehowa
Chyeju Janmau Gupdaru kaba,
Kyuhpyi n-gun htam latsa
Myu tsaw shawang hpyen hpyen pa,
Myit hkrum nau pa Kungdawn ka
Mungkan chyam hkra nan gara,
Ninghtoi Chyinghka Karai Wa
Padang hkrun lam masing kaba.
Bumwa Hkri Ma.
Fuji Majoi.
11.6. 2011
