NAM YA HKA KAU KAW MYEN HPYEN HPUNG NI HPE HKAP GASAT
June (21) bat Mali
Wunpawng Mungdan Shanglawt Asuya Hpakant Ginwang KIA Dap Dung (6) npu na Du Shing Naw woi awn ai KIA myu tsaw share ninghkring ni n gun (30) ram gaw June (18) ya shani Mana Maw hte Marai lahkawng gasat poi hta na hting nut wa ai myen hpyen hk-m-y (272) hpyen hpung (40) jan hpe Um Mare hte Ma U Pin mare lapran Nam Ya hka makau kaw hkap gasat lai wa sai lam shiga na chye lu ai. N dai zawn hkap gasat ai hta myne hpyen la (3) hkala hkrum nna, myen hpyen ni gaw Kamaing mare de bai hting nut mat wa ai lam shiga na chye lu ai.
