MALI HKA KABA WA
June (24) Laban
Jinghpaw Mungdaw Myitkyina mare kaba hta dai na maga Mali hka tung kaba wa ai majaw Shatapru lawk Mali hka kau mayan na ni n sin sin wa yang rai htawk lahka nna a mu kyin nga ma ai lam shiga na chye lu ai. Dai na hkying (9:00pm) ten ram du hkra Mali hka gaw rawt lung wa ding yang naw rai nga ai lam hte Shatapru Manau wang hka kau kadit na Skate Jawn Chyai ginra mung hka lim mat sai lam shiga na chye lu ai. Manau wang n tsa de mung hka shang na ri ri rai nga sai lam hte dai na yup tung ten ram hka gara hku byin wa na n chye ai majaw buga masha ni myit tsang nga ma ai lam shiga na chye lu ai.
