LAGWI HTE HPARE MARE HKAN MYEN HPYEN NI SHAGYIP SHAGYENG
Jinghpaw Mungdaw Jarit Sin Makawp hpung ginra rai nga ai Lagwi Mare na Zahkung Ting Ying a hpyen dap ni gaw Pangwa de na myen hpyen hpung ni hpe Miwa hkran hku mung shawa masha hking hte shaga la nhtawm, laknak ni hpe gaw nam lam hku lagu shlai la nna Lagawi Mare, HPare Mare hkan nga ai tinang KIA myu tsaw hpung ni hpe shani shagu gadat nga ma ai lam shiga na chye lu ai. N dai zawn myen hpyen hpung ni hte Ting Ying a hpung ni gaw KIA myu tsaw ni hpe shani shagu hkan gasat nga ai majaw dai Ginra hta nga ai mung shawa masha ni gaw Miwa hkran de hprawng yen mat ma ai lam, Miwa hkran de du yang mung nga shara n lu rai jam jau nga ma ai lam shiga na chye lu ai. Ya ten dai ginra hkan na Hpung magam gun ni hpe mung gara de n mai hkawm sa hkra pat shingdang tawn ai sha n ga, phone matut mahkai n lu hkra mung shagyip shagyeng, jahkrit shama rai nga ma ai lam shiga na chye lu ai.
