INDIA DU MYU SHA NI NINGHKAP N GUN MADUN
June (9) bat Kru
India Mungdan New Delhi Du Kachin Community kawn woi awn let June 9, 201 ya jahpawt (11:00am- 1:00pm) du hkra New Delhi Jantamanta shara kaw ninghkap a tsam madun ai lam galaw mat sai lam shiga na chye lu ai. N dai lamang hta India du Wunpawng Myu Sha ni hte rau hpunau Chin, Rakhine, Karen hte New Delhi du myen mung masa hpung ni sa du shang lawm n-na masha n gun (80) jan sa du n gun madun lawm sai lam mung chye lu ai. Jinghpaw Mungdaw hta (17) ning sim sa lam la ai hpang 2011 ning June (9) ya kaw na byin hpang ai majan laning mi hpring mat sai. Ya ten hta Jinghpaw Mungchying sha ni hkam sha nga ai Humanitarian Crisis hpe jahkring kau ya na matu hte mu shaprai bawng ban lam n re ai sha tara rap ra nna tengman ai sim sa lam hpe shapraw ya na matu President U Thein Sein hpang de myanmmar embassy kaw laika bang dat sai lam n gun madun hpawng hta lawm ai myitsu wa kawn tsun shana wa ai. N dai laika copy hpe India Mungdan Prime Minister Manmohan Singh hpang de mung shalai dat sai lam matut na chye lu ai.
