CHYINGHKAI WA
Shinggyim Mungkan pinra
Chyinghkai hta grau kata,
Nu a hkritung kata
Sai tum sai pa ten na,
Kyuhpyi n-gun kaba
Wa myit lit li kahpra,
Lagaw lata i gaw hkum na
Kaning rai chyinghkai sa na.
Mungkan pinra du sa
Singgu krin ten kaw na,
Ngai sha bawng-ring hkam ja
Masawp masin hkum hkra,
Tsawra lahku maka
Jit hkyi sanen mya mya,
Yup n hkru zawzang lai wa
Chyeju Madu Chyinghkai Wa.
Sak prat ladaw ram wa,
Prat dep shachyut ra nga,
Hpyen-gang Noihpye Jawng sa,
ILK ka Lungpa,
Mungkan hpaji sumhpa,
Yakhkak lapran lit la,
Sharin jahpat hkum hkra,
Myi jahpaw shalat ai Wa.
Shinggyim Panglai kata
Prat pra hkaleng latsa,
Lu sha bu hpun nga na
Magup sumhpa zeng hkra,
N sim n sa pu ba
Lahtin salat lwi hkra,
Dinghku bungli shaja
Bau maka shalat ai Wa.
Mungkan shinggyim Kawa
Maroi nni malap n lu Wa,
Madu hta yup pyaw hkring sa
Myit dum shing-ran pra pra,
Kawa masat ninghtoi Laban ya
Wa a chyeju sumru n ma,
Chyeju shakawn Karai Wa,
Baw gum shagrau hkungga nga.
Ngai tsaw Chyinghkai Wa a
Hti n ma chyeju kaba,
Sin dun sumri myit wa
Ninggawn Tawa grau hkra,
Lamu hta grau tsaw nga
Panglai hta sung dam lada,
Mungkan prat grin dingsa
N htum hkayan lwi nga.
Bumwa Hkri Ma
Chyinghkai hta grau kata,
Nu a hkritung kata
Sai tum sai pa ten na,
Kyuhpyi n-gun kaba
Wa myit lit li kahpra,
Lagaw lata i gaw hkum na
Kaning rai chyinghkai sa na.
Mungkan pinra du sa
Singgu krin ten kaw na,
Ngai sha bawng-ring hkam ja
Masawp masin hkum hkra,
Tsawra lahku maka
Jit hkyi sanen mya mya,
Yup n hkru zawzang lai wa
Chyeju Madu Chyinghkai Wa.
Sak prat ladaw ram wa,
Prat dep shachyut ra nga,
Hpyen-gang Noihpye Jawng sa,
ILK ka Lungpa,
Mungkan hpaji sumhpa,
Yakhkak lapran lit la,
Sharin jahpat hkum hkra,
Myi jahpaw shalat ai Wa.
Shinggyim Panglai kata
Prat pra hkaleng latsa,
Lu sha bu hpun nga na
Magup sumhpa zeng hkra,
N sim n sa pu ba
Lahtin salat lwi hkra,
Dinghku bungli shaja
Bau maka shalat ai Wa.
Mungkan shinggyim Kawa
Maroi nni malap n lu Wa,
Madu hta yup pyaw hkring sa
Myit dum shing-ran pra pra,
Kawa masat ninghtoi Laban ya
Wa a chyeju sumru n ma,
Chyeju shakawn Karai Wa,
Baw gum shagrau hkungga nga.
Ngai tsaw Chyinghkai Wa a
Hti n ma chyeju kaba,
Sin dun sumri myit wa
Ninggawn Tawa grau hkra,
Lamu hta grau tsaw nga
Panglai hta sung dam lada,
Mungkan prat grin dingsa
N htum hkayan lwi nga.
Bumwa Hkri Ma
