CHYEJU SHAKAWN HPAWNG HPUNG MAI GAWKNU KAW GALAW
June (9) bat Kru
Wunpawng Mungdan Shanglawt Asuya KIO/KIA kawn hpyen ni hpe Laning mi tup hkap manga dang gasat kau lu ai chyeju shakawn kyu hpyi hpawng lamang hpe dai ni June (9) ya shani KIO/KIA Ginjaw Ginra rai nga ai Laiza Muklum na Hpung Mai Gawknu kaw awng dang ai hte galaw la lu wa sai lam shiga na chye lu ai. N dai lamang hpe dai hpawt hkying (6:30am) kawn (10:00am) ten du hkra galaw ai re lam hte n dai kyu hpyi hpawng lamang hpe Du Kaba Lahpai Sing Hkaw kawn Tingyang Up tai le woi awn galaw lai wa sai la na chye lu ai. N dai chyeju shakawn kyu hpyi hpawng lamang de Wunpawng Mungdan Shanglawt Asuya magam dap shagu de na magam gun (500) hkawt sa du shang lawm lai wa sai lam matut na chye lu ai.
