AUSTRALIA DU MYU SHA NI CHYEJU SHAKAWN LAMANG GALAW
June (9) bat Kru
Australia Mungdan Melbourne kaw du nga ai Wunpawng Myu Sha ni kawn Kanu Wunpawng Mungdan kata byin nga ai majan hpe Awngdang ai hte dang manga lu ai (1) ning hpring chyeju dum shakawn lamang hpe June (9) ya shana maga hkying (7:00pm) ten hta galaw la lu sai lam shiga na chye lu ai. N dai chyeju dum shakawn kyu hpyi lamang hta Australia du Myu Sha ni marai (20) jan sa du shang lawm lai wa sai lam hpe na chye lu ai. Matut nna Australia Canberra kaw na Myen Dat Kasa rung shawng e Wunpawng Myu Sha ni June (8) ya shani hkying (11:00am) ten sa du n gun madun lai wa sai lam hpe mung na chye lu ai.
