MYITKYINA E HKANGHKYI PARTY NI ZUPHPAWNG BAI GALAW NA
May (25) bat Manga
Jinghpaw Mungdaw Myitkyina Mare kaba kaw Hkanghkyi Party ni woi awn let May (26) ya shani Mung Shawa Zuphpawng bai galaw maw ma ai lam shiga na chye lu ai. N dai lang na Zuphpawng gaw shawoi na hte lak lai ai lam, zuphpawng shaga ai hta lawk hte law, nta hte nta ta masat mahkret shangun nna saw shaga ai re lam na chye lu ai. May (26) ya shana maga gaw shat sha hpawng mung lawm na masing re lam zuphpawng shaga laika pa lahkawng hkawng jaw ai nga buga de na myitsu salang ni shana wa ai. Myen hpyen asuya gaw ya ten lawu myen mung de mung shawa masha ni gasu kabrawng wa ai majaw, Jinghpaw Mung de na Mung Shawa masha ni hpe maidang masawp shazim na masing re nga buga masha ni kawn tsun shana wa ai.
