MYEN NI JINGHPAW SHADA GAP HKAT WA HKRA LADAT SHAW
May (16) bat Masum
Lahta Sam mung, Mungbaw ga hta du taw ai Nampakka daju Myen hpyen dap hk-l-y (123) na hpyen la (2) gaw Shanglawt hking bu hpun nna, May (9) ya jahpawt (5:00am) ram hta Mungbaw Gat Pa Manbung makau hta dap jung da ai Mungbaw Mungchying Makawp hpyen dap hpe sa gap lai wa sai lam chye lu ai. Masha si hkala ai lam n nga ai raitim dap ginsum nta nkau loi hkra ai lam chye lu ai. Ndai lam hpe atsawm bai sagawn yu ai shaloi Myen hpyen dap ni gaw Jinghpaw ni shada da gasat hkat wa hkra ladat tam ai re hpe chye lu ai. Myen hpyen dap ni gaw lai wa sai 2011 August shata hta mung dai zawn ladat shaw lai wa sai lam chye lu ai. Mungbaw Mungchying makawp dap gaw lai wa sai 2000 ning hta Munggu daju MDA dap kaw nna Mungbaw Mungchying makawp dap gale mat wa ai re. Ya ten Du Mun woi awn ai rai nna, hpyen n-gun 100 daram nga ai lam chye lu ai. Ya ten moi na Munggu daju MDA ginra ni rai nga ai Namtau, Munggu-Hpawngseng, Mungbaw hte Mungya ginra ni hta Wunpawng Mungdan Shanglawt Asuya Dap Ba (4) npu, Dung (36) hte (38) ni shara la shamu shamawt nga ai lam na chye lu ai.
Lahta Sam mung, Mungbaw ga hta du taw ai Nampakka daju Myen hpyen dap hk-l-y (123) na hpyen la (2) gaw Shanglawt hking bu hpun nna, May (9) ya jahpawt (5:00am) ram hta Mungbaw Gat Pa Manbung makau hta dap jung da ai Mungbaw Mungchying Makawp hpyen dap hpe sa gap lai wa sai lam chye lu ai. Masha si hkala ai lam n nga ai raitim dap ginsum nta nkau loi hkra ai lam chye lu ai. Ndai lam hpe atsawm bai sagawn yu ai shaloi Myen hpyen dap ni gaw Jinghpaw ni shada da gasat hkat wa hkra ladat tam ai re hpe chye lu ai. Myen hpyen dap ni gaw lai wa sai 2011 August shata hta mung dai zawn ladat shaw lai wa sai lam chye lu ai. Mungbaw Mungchying makawp dap gaw lai wa sai 2000 ning hta Munggu daju MDA dap kaw nna Mungbaw Mungchying makawp dap gale mat wa ai re. Ya ten Du Mun woi awn ai rai nna, hpyen n-gun 100 daram nga ai lam chye lu ai. Ya ten moi na Munggu daju MDA ginra ni rai nga ai Namtau, Munggu-Hpawngseng, Mungbaw hte Mungya ginra ni hta Wunpawng Mungdan Shanglawt Asuya Dap Ba (4) npu, Dung (36) hte (38) ni shara la shamu shamawt nga ai lam na chye lu ai.
