MYEN HPYEN NI HTAM (10) ALU MYA LA
May (12) bat Kru
Jinghpaw Muangdaw Waimaw ginwang Tang Ja Yang mare hta shamu shamawt nga ai myen hpyen asuya dap hk-m-y (512) ni kawn May (9) ya hte (10) ya laman mare masha ni a dum hkan na Htam (10) alu sutdek kaw na alu gumhpraw ni hpe gashun la mat wa ai lam shiga na chye lu ai. Hpung woi Saranum langai na ja kachyi hpye mung gashun la mat wa ai lam matut na chye lu ai. Shawng lam de du nga ai myen asuya hpyen hpung ni gaw ya na zawn mung shawa masha ni hte Nawku hpung a a rung a rai ni hpe gashun la, mya la, jahten shaza kau ya ai lam ni ding yang galaw nga ai lam hpe mung na chye lu ai.
