HPAKANT JA LUNG SENG HTU AI LAM MYEN ASUYA PAT
May (26) bat Kru
Myen asuya gaw Jinghpaw Mung Hpakant hta n hprang sut rai htu shaw ai lam ni yawng hpe dawm kau na matu May (23) ya shani tara shang n dau shana sai lam shiga na chye lu ai. N dai zawn n dau ai lam hpe Myen asuya Lut Daw kata kaw laika hte n dau shana ai re lam hte n dai n dau laika hpe myen mung shi laika ni hta gaw n dau shalawm ai lam rai n nga ai nga Yangon na myen asuya magam gun langai tsun shana wa ai. Jinghpaw Mung Hpakant hta ja lung seng htu shap nga ai ni yawng May shata (30) ya shani hpang jahtum da yawng dawm la kau ra na re lam hpe matut chye lu ai. Jinghpaw Mung asuya hta fund gumhpraw n nga ai majaw Hpakant na ja lung seng maw ni hte hpun mailung hpaga galaw ai ni kaw na tam la na matu masing hte galaw ai re lam mung na chye lu ai.
